Oqaluttuarisaanermi aasanerani nalunaaquttap ingerlaarfianut siuartitsineq kingulleq

Arfininngornerup unnukkuani nalunaaqutaq qulinut akunnermik ataatsimik siuartissaaq, ukioq mannalu allaanerussutigaa nalunaaqutaq oktobarimi akunnermik ataatsimik kinguarteqqinneqassanngimmat.

'Nalunaaquttap ingerlaarfianut' susassaqarfik Namminersorlutik Oqartussat akisussaaffigilernikuuaat, Kalaallit Nunaannilu nalunaaquttap ingerlaarfiata aaqqinneqartarnera Inatsisartut allanngortinneqassasoq ukiarmi aalajangiiffigaat.

- Oqaluttuarisaanitsinnut ulloq pingaartuuvoq. Nunatsinni nalunaaquttap ingerlaarfia nalinginnaasumik allanngortitsineq ukioq manna oktobarip qaammataata naanerani aatsaat malunnaateqassaaq, tassa akunnermik ataatsimik nikisitsisarfigisimasatsinni. Ukioq mannali taamaasiussanngilagut, Múte Bourup Egede taama oqarpoq.

Ittoqqortoormiit nalunaaquttap ingerlaarfia nalinginnaasoq malitartik aallutiinnassavaat, tassani akunnernik marlunnik Kalaallit Nunaata sinneranit siulliussasut Nalaakkersuisut naqissuserpaat.

Naalakkersuisut suliamut tusarniaanertik aallartimmat Ittoqqortoormiini innuttaasut allanngueqataarusunnersut imaluunniit maanna malitartik attatiinnarniarusunneraaq paasiniarpaat.

Leave a Comment